نقيبنا فى بيروت بيلف ويدور
وفتح القدس هناك
بقلم :علاء السيد النفيلى
فى عز الأزمة .. والزند معاند وراح ماشى على النائب العام وقايل على كام محامى كمان لازم يدخلوا الجنايات .. رجع وقال ماقدمت بلاغات .. دى كانت من زمان .. ولاتراجع ولاإعتذارات لأنه لابد من القضاء على المحاماه دى مهنة ماعاد لها لزمة .. لأن الأحكام بقت حسب الأحوال وبالإقرار تكون بالبراءة طالع حر وطليق من غير محامى يخد منك فلوس .. وعشان فى مكتب دائم معقود فى بيروت هناك ودى دوله عربيه حبيبه وحبيبنا خايف عالكرسى الدائم لايروح منه هناك بعد ماحرق علم دوله من زمان وأنكر عالفضائيات راح جرى وركب الطياره والحاشية معاه من غير مايكونوا أعضاء والله ياناس لكن بفلوسك وفلوسنا خدهم معاه وشوف تكلفة المشوار كام مليون من الأرامل والأيتام بعد ماعمل توكيل لوكيل الإدارة يباشر الأزمه فى طنطا هناك لأنه عارف النتيجه هى الحبس وتركيع المحاماه قبل كده قلنا كلام كتير عنك يانقيب وقلنا أنك أسأت إدارة الأزمة وبعد الأزمة أصبح مالكش لزمة ... وبعد اللى حصل وكان رجعت لقلمى من تانى راح جايب كلام قلته زمان وقلت أعيده من غلبى فيك يازمانى وأقول وأنا بعانى
هوفى أيه.. الدنيا جرى فيها إيه .. ناس صافيه..... ماعادت صافيه ..دنيا آسيه خدت الأمانه فى داهيه
الوجوه بقت وشوش من غير رتوش ...على كل شكل ولون تعرف تلف وتدور..حبيب ماعاد في الدنيا دى حبيب....لأن مصلحة جيبى أحسن من أى حبيب....إمبارح كنت عدوى ولسانى كان معاك حامى وراح شارد وجاب من هنا وهناك وخلاك عريان...والردح كان هنا وهناك حتى كان فيه همسة عتاب ورحت وسمعت الكلام وأصبحت الكبير موجود....وبعد شد وجذب وزعل من الى حصـــل فى أى مــكان
راحو وحطوك فوق الراس ومعاهم تكون كبيركمان...لكن فجأه وبدون إنذار كان فيه هناك إنقلاب وعشان كده مش عارف أيه فى قلوب الناس...تكون معاك ظاهرة فى منتهى الأخلاص وبعدكدة تعطيك بالشلوت وتقولك خلاص...وتروح على غيرك الى كان عدوك من زمان وتقوله أنا حبيبك من زمان وأسف على الى فات...وعايزنى أعتذر لأى حد أنا على استعداد فى الحال ماهى النفوس ضاعت فى هذا الزمان...من غير سبب ياناس تلاقى نفسك منداس دا حتى الفْجر ده بقى طبع فى بعض الناس.. بعد الصداقه والعيش والملح والذى كان يطلع عليك ويقطع هدومك ويعريك فى كل مكان... ماهو الوفاء ماعاد وفاء إنسان عاد وفاء الحاجه والمصلحه والذى كان... وبقت الدنيا فاضيه ومن غير عنوان والفضيله بقت مثل من الأمثال...والصدق والأمانه فى إرشيف زمان..والدماغ بقى فاضى وقال لصاحبه أدخل جوه القوقعه ونام..وأبعد عن كل الناس زى بتوع الكهف زمان
يمكن ترجع بعد زمان تلاقى الدنيا بقى لها عنوان وتكون إتغيرت طباع الناس وإتحلت مشكلة إيهاب ساعى ومعاه مصطفى فتوح ورجع نقيبنا من بيروت بعد مافتح القدس هناك وعَمر غزة هناك وحكى تاريخنا كمان ومن بعد مايحضر من بيروت يمكن يروح أثيوبيا ويعيش الدور كمان ويحل مشكلة الميا هناك ويشرح الجغرافيا معاهم ودور مصر وياهم .. وبعد كده نلف وندور حوالين المطلوب نلاقى مكاتبنا راحت هنا وهناك بعد مالغوا مهنة المحاماه ولانسأل إيه اللى جرى زمان ولا نبكى على اللى فات وعجبى فhj
موضوع: نقيبنا فى بيروت بيلف ويدور وفتح القدس هناك 
الأربعاء يوليو 14, 2010 11:39 pm
